Dysgu
Bydd myfyrwyr yn dysgu am faterion cymdeithasol yn eu cymunedau ac yn dewis y materion pwysicaf iddyn nhw.
Close
Estyn allan i genhedlaeth newydd o gefnogwyr
Mae First Give yn cefnogi myfyrwyr i ddysgu am faterion cymdeithasol yn eu cymunedau. Trwy’r rhaglen, bydd myfyrwyr yn dewis yr elusennau maen nhw’n dymuno eu cefnogi trwy ymgyrchoedd cymunedol.
£814,500
Cyfanswm o £814,500 wedi’i ddyrannu i elusennau (2014-2020)
£175,210
Cyfanswm o £175,210 wedi’i godi gan fyfyrwyr (2014-2020)
909
Cyfanswm o 909 o elusennau buddugol (2014-2020)
- Iechyd
- Iechyd Meddwl
- Cydlyniant Cymunedol
Y tri mater cymdeithasol mwyaf poblogaidd a ddewiswyd gan fyfyrwyr ers 2018 yw
170
o ysgolion (2020/21)
31,347
o fyfyrwyr (2020/21)
Sut mae’r rhaglen yn gweithio
Ymchwilio
Bydd myfyrwyr yn ymchwilio i elusennau sy’n gweithio yn eu cymunedau, ac fel dosbarth, byddant yn dewis elusen i’w chynrychioli.
Bydd myfyrwyr yn cael y cyfle i gwrdd â chi
Rydych chi wedi cael eich dewis gan ddosbarth o fyfyrwyr! Dylech gael gwahoddiad i gwrdd â’r dosbarth er mwyn i chi allu siarad gyda nhw am sut i gynllunio prosiectau ymgyrch gymunedol i’ch helpu chi.
Lawr lwythwch ein dogfen PDF yn cynnwys y cwestiynau a ofynnir yn aml gan fyfyrwyr yn ystod eich cyfarfod First Give cyntaf.
Cynllunio a chyflawni
Bydd myfyrwyr yn cynllunio ac yn cyflawni ymgyrch gymunedol (codi arian, codi ymwybyddiaeth, gwirfoddoli) i gefnogi eu helusennau.
Cyflwyno
Bydd myfyrwyr yn dysgu sgiliau siarad cyhoeddus ac yn creu cyflwyniadau creadigol ynglŷn â gwaith eu helusen a’r hyn y mae eu dosbarth wedi’i wneud i’w cefnogi.
Rownd Derfynol yr Ysgol
Bydd un grŵp yn cael ei ddewis i gynrychioli pob dosbarth yn Rownd Derfynol First Give eich ysgol. Bydd panel o feirniaid yn marcio pob dosbarth yn seiliedig ar eu hymgyrch gymunedol a’u cyflwyniadau. Bydd y dosbarth buddugol yn ennill grant First Give o £1,000 ar gyfer eu helusen.
Profiad o’r Rownd Derfynol
Mae Rowndiau Terfynol First Give yn ddathliad o waith y grŵp blwyddyn cyfan. Maen nhw’n gyfle i fyfyrwyr sefyll ar eu traed a siarad am y materion sydd o bwys iddyn nhw ac i arddangos eu hymgyrch gymunedol. Bydd pob ysgol yn cynnal y Rownd Derfynol ychydig yn wahanol, ond maen nhw’n ddigwyddiadau llawn ysbrydoliaeth!
Ymunwch â Rownd Derfynol First Give eich dosbarth i ddathlu’r holl waith caled maen nhw wedi’i wneud i gefnogi eich achos.
Y peth pwysicaf yr ydw i wedi’i ddysgu yw bod gwaith tîm yn allweddol, ac mae wedi rhoi hwb i’m hyder. Mae hyn hefyd wedi cynyddu fy ymwybyddiaeth o’r elusennau sydd ar gael o gwmpas fy nghymuned.
Yn ogystal â’r profiad hwyliog o ddysgu gyda’n gilydd, mae’r elusen wrth ei bodd ein bod wedi elwa o’r £1,000. Bydd yr arian yn mynd tuag at ein cynorthwyo i ariannu ein gwasanaeth cwnsela.
Rydym ni wrth ein bodd ein bod wedi ennill y grant First Give gwerth £1,000… Heb sôn am yr arian, mae’n braf iawn gweld myfyrwyr yn dysgu am faterion lleol ac yn codi ymwybyddiaeth o elusennau lleol.
Mae’r bobl ifanc yn barod iawn i roi’n ôl i achosion lleol ac i’r gymuned leol, ac nid wyf yn credu y byddant yn anghofio am hyn ar ddiwedd y rhaglen. Rwy’n siŵr y byddant yn parhau ac yn gwirfoddoli er mwyn codi mwy o arian.
Maen nhw wedi bod yn wych. Dydw i ddim yn credu ein bod ni erioed wedi cael grŵp o bobl mor frwdfrydig ynglŷn â chodi arian ar ein rhan.
Mae First Give yn ffordd wych o uwch sgilio ein myfyrwyr gan hefyd gyfrannu at elusennau o fewn ein cymunedau. Mae’n rhaglen wych i bob un sy’n rhan ohoni.
Sut alla i ymuno gyda Rownd Derfynol yr Ysgol
Mae croeso i gynrychiolwyr o elusennau i fynychu’r Rownd Derfynol First Give mewn ysgolion lle mae’r myfyrwyr wedi dewis eu helusen. Fel arfer, mae’r ysgol yn dueddol o gydlynu’r gwahoddiadau eu hunain, ond os oes gennych chi unrhyw gwestiynau, cysylltwch â ni yma yn First Give
Sut mae fy elusen yn derbyn yr arian?
Os ydych chi’n ennill y wobr o £1,000, bydd First Give yn anfon siec atoch. Bydd unrhyw arian a gesglir gan bobl ifanc yn cael ei anfon yn uniongyrchol atoch chi gan yr ysgol.
Astudiaeth achos elusen
Ffordd wych o adeiladu ar ein rhwydwaith o gefnogwyr ifanc
Bu un o’r dosbarthiadau yn Ysgol Gymunedol Jo Richardson yn cefnogi elusen Young Carers of Barking and Dagenham. Buom yn siarad gyda Ronda Browne, cynrychiolydd o’r elusen a gwelsom fod y myfyrwyr wedi cynnal ystod o weithgareddau i’w cefnogi, gan gynnwys digwyddiadau codi arian, yn ogystal â gwahodd Blwyddyn 7 i ymuno mewn ymgyrch i gasglu bwyd ar gyfer banc bwyd yr elusen. Er na wnaethon nhw ennill y grant o £1,000, roedd Ronda yn hynod o falch o’r effaith a gafwyd gan y myfyrwyr.
Llwyddodd y myfyrwyr y buom yn ymgysylltu â nhw drwy raglen First Give i godi digon o arian i gynnal gwerth 3 mis o weithgareddau. Ar ben hynny, fe wnaethon nhw gasglu bwyd ac eitemau hanfodol eraill i gefnogi’r 65 teulu sy’n defnyddio ein banc bwyd.
Pwy sydd wedi cymryd rhan?
a llawer mwy!